Einn af hápunktum á síðasta ári var að sjálfsögðu Íslandsmótið í golfi, sem haldið var á Hvaleyrarvelli dagana 7-11 ágúst. Það var mikil eftirvænting í íslensku golfsamfélagi eftir mótinu en síðast var Íslandsmótið í golfi haldið 2017 á Hvaleyrarvelli

Kylfingar Golfklúbbsins Keilis unnu sjö Íslandsmeistaratitla árið 2025 en klúbburinn var með fleiri Íslandsmeistaratitla en nokkur annar klúbbur í flokkum 15 ára og eldri. Þrír af þessum titlum voru í barna og unglingastarfinu, tveir í flokkum 50+ og tveir í meistaraflokkum. Þá var Keilir með þriðja stærsta fjölda keppenda allra klúbba á GSÍ mótaröðinni, næst stærsta fjölda keppenda á mótaröð 15-18 ára og jafn stóran og GR með flesta fjölda keppenda í mótum 14 ára og yngri.

Það er óhætt að segja að golfárið 2025 verði lengi í minni haft. Árið einkenndist af  samheldni starfsfólks og frábærum árangri á öllum sviðum. Íslandsmótið var hápunktur sumarsins og sýndi vel þann kraft og metnað sem býr í starfsfólki vallarins. Þrátt fyrir áskoranir í veðri og mikla umferð á völlunum tókst okkur að halda þeim í toppstandi og framkvæma fjölmörg umbótaverkefni.